في جانفي أربعتاش، من عام ألفين و حداش
شارع الحبيب بورقيبة، والبلاد في يدين أوباش
الناس صغار و كبار، تلمت قدام الداخلية
اللي كلاه الشيب، حب يتنفس حرية
اللي كلاه الشيب، حب يتنفس حرية
و اللي حفى و جاع، طردوه مالكبانية
و اللي عشرين سنى، حلم بالديمقراطية
و اللي عشرين سنى، حلم بالديمقراطية
و اللي روحو طلعت، شبعت ثقافة بنفسجية
مصممين عالخروج، من عصر الجاهلية
ما عادش ثمة خوف، إنهارت الطاعة المدنية
المشطة والماتراك، وقناصة عالبالاصات
تصطاد في الحمام، اللي خرج مالقفصات
الغنوشي بالبرابول، يغني في غناية قديمة
و المرزوقي ريقتو سايلة، شم فيها ريحة وليمة
مصممين عالخروج، من عصر الجاهلية
ما عادش ثمة خوف، إنهارت الطاعة المدنية
المشطة والماتراك، وقناصة عالبالاصات
تصطاد في الحمام، اللي خرج مالقفصات
الغنوشي بالبرابول، يغني في غناية قديمة
و المرزوقي ريقتو سايلة، شم فيها ريحة وليمة
..يتبع، إن شاء الله
ليست هناك تعليقات:
إرسال تعليق