في جانفي أربعتاش من عام ألفين و حداش

في جانفي أربعتاش، من عام ألفين و حداش

شارع الحبيب بورقيبة، والبلاد في يدين أوباش

الناس صغار و كبار، تلمت قدام الداخلية
اللي كلاه الشيب، حب يتنفس حرية

 و اللي حفى و جاع، طردوه  مالكبانية
و اللي عشرين سنى، حلم بالديمقراطية

و اللي روحو طلعت، شبعت ثقافة بنفسجية
مصممين عالخروج، من عصر الجاهلية
 ما عادش ثمة خوف، إنهارت الطاعة المدنية
المشطة والماتراك، وقناصة عالبالاصات
تصطاد في الحمام، اللي خرج مالقفصات
الغنوشي بالبرابول، يغني في غناية قديمة
و المرزوقي ريقتو سايلة، شم فيها ريحة وليمة

..يتبع، إن شاء الله

ناري عليك يا شعب

ناري عليك يا شعب تونس، قمت بثورة لم يقم بها قبلك أحد, فبات حالك تعاني جحافل ظلام, إنفلتت عليك من غياهب كهوف خلناها إندثرت و إنسدّت

ناري عليك، كل يوم تخرج عليك نكرة، تلقنك ما وجب عليك صنعه و ما وجب عليك تركه

ناري عليك، يحسبونك طفلا، قاصرا، ما زلت تحتاج أن تبرهن عن بلوغ رشدك

ناري عليك، كم ما زال عليك أن تصبر عن أقلام رديئة، تراوحت ألوانها بين بنفسجي محتضر و زرقنفسجي أرعن

ناري عليك من حبال قوم حوقل، تقصر لتطول و تطول لتخنق و تقلقل